Бавлы-информ
  • Рус Тат
  • Декабрьгә 21 киңәш

    Декабрь җитүгә, Яңа елны көтә башлыйбыз, акрын гына бәйрәмгә әзерләнәбез. Яңа ел бәйрәменә кадәр без ниләр эшләп өлгерергә тиешбез?!

    Сезгә 21 киңәш:

    1. Барлык планнарны барлап, эштә тәртип урнаштырырга.

    2. Яңа ел бүләкләре, открыткалар барлап куярга.

    3. Үләнле чәйләрне ешрак әзерләргә.

    4. Киләсе елда планнар, максатлар язып барыр өчен илһамландыра торган блокнот сатып алырга.

    5. Яңа елга багышланган кинолар карый башларга.

    6. Төрле фигуралы прәннекләр пешерергә өйрәнергә.

    7. Узып баручы елда төшерелгән фотоларны карап чыгарга, үтеп баручы елга нәтиҗә ясарга.

    8. Өйдәге кирәкмәгән әйберләрдән арынырга.

    9. Яңа ел табынына куяр өчен яңа төрле ризык әзерләргә өйрәнергә.

     10. Туасы елга планнар язып куярга.

     11. Ел буена күңелгә җыелган авыр хисләрдән, үпкәләрдән арынырга.

     12. Һәр көнне зарядка ясый башларга!

     13. Ел буе, күрешербез әле, дип йөргән танышыгызга (дустыгызга) шалтыратырга.

     14. Эш урынын бәйрәмчә бизәргә.

     15. Чыршы сатып  алырга һәм аны гаилә белән бизәргә.

     16. Бурычлардан арынырга.

     17. Яңа ел каникулларына план төзеп куярга.

     18. Үзегезне тәртипкә китерергә. (Салоннарга аз гына иртәрәк язылу хәерле, бәйрәм көне якынлашканда урыннар калмаска мөмкин!)

     19. Матур  күлмәк сайларга.

     20. Яңа елда нинди яңа гадәт булдырасын уйлап куярга.

     21. Могҗизага, тормыштагы үзгәрешләргә һәрчак ачык булырга!

    Фото: /pixabay.com

    Чыганак:  http://syuyumbike.ru/news/belms-bel/dekabrg-21-kish

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: