Кирәкле кызыклар сандыгы
Бәйрәм табынына лалә чәчәкләре
8 Март табынына лалә чәчәкләре формасында матур да, тәмле дә кабымлык рецепты тәкъдим итәбез.
Кирәк: 15 помидор, 1 кап краб таякчыклары, 4 йомырка, укроп, яшел суган, 100 грамм сыр, 1 тырнак сарымсак, 2 аш кашыгы майонез, 1 кыяр.
Озынча помидорларның (пальчиковый) очларын лалә чәчәге кебек матурлап кисеп, эчлеген кечкенә калак белән сак кына алырга, помидорның эчен салфетка белән корытырга. Помидор эчлегенә вак итеп туралган краб таякчыклары, йомырка, укроп, угычтан чыгарылган сыр һәм сарымсак, майонез салып болгатырга һәм эчлекне помидор эченә тутырырга. Аннары кыяр, яшел сугын кыяклары белән лалә чәчәкләре кебек бизәп, табынга куярга.
Следите за самым важным и интересным в Telegram-каналеТатмедиа
Нет комментариев