Бавлы-информ
  • Рус Тат
  • Бавырсак пешерәбез

    Гөлчәчәк Фәтхуловадан бавырсак рецепты тәкъдим итәбез.

    4 йомырканы яхшылап күпертәбез, 100 мл сөт, ярты чәй калагы чәй содасын ярты чәй калагы аш серкәсе белән сүндереп алабыз, бер чәй калагы шикәр комы (өеп түгел), бер чеметем тоз,бер чәй калагы сыек май, акрынлап иләнгән он кушып камыр басабыз.

    Башта агач калак белән эшлим. Кул белән камырымны басып бетерәм. Камыр йомшак була. Йомшак булса да кулга ябышмаслык дияр идем. Өстен каплап бераз ял иттерәбез.

    Камыр ял иткәндә ике савытка сыек май салып кайнарлап суытып алабыз. Камырны вак кисәкләргә бүлеп баулар (жгутлар) ясыйбыз, 3-4 см озынлыкта кисеп чыгабыз.

    Майда алсу төскә кергәнче болгата - болгата кыздырабыз. Бавырсакны салып пешерә башлаганда май бик салкын да, бик кайнар да булмаска тиеш.

    Пешеп барган берсен тишекле савытка салып маеннан саркытабыз.

    Автор: Гөлчәчәк ФӘТХУЛОВА

    Фото: Гөлчәчәк Фәтхулова

    Бу хакта тулырак: https://intertat.tatar/ash-su/bavyrsak-retsepty/

     

    Нравится
    Поделиться:
    Реклама
    Комментарии (0)
    Осталось символов: