Балык таякчыкларының нинди зыяны бар?

Калифорния университеты галимнәре балык таякчыкларының һәм ясалма кысла ите — суриминың зыянын атады. Алар атмосфераның иң нык пычрану чыганагы булып тора. Бу хакта lenta.ru сайты яза.

Тикшеренүчеләр мәгълүматларына караганда, тирә-юньгә мондый тәэсир аларның җитештерү процессы белән бәйле. Экологиягә иң зур зыянны контейнеровоз-суднолар китерә. Алар тотылган балыкны заводларга илтү өчен кулланыла. Ә соңыннан бу заводларда шушы ярымфабрикатлар ясала.

Галимнәр ачыклаганча, күпчелек җитештерүчеләр экономия ясарга теләп, балыкларны ташыганда сыйфатсыз һәм арзанлы ягулык файдалана. Нәтиҗәдә атмосферага бик зур күләмдә зарарлы матдәләр, аерым алганда, күкерт диоксиды бүленеп чыга. Ул һаваны иң нык пычратучы булып тора.

Фото:  http://pixabay.com

Чыганак: https://intertat.ru/news/questions_answers/28-01-2020/balyk-tayakchyklaryny-nindi-zyyany-bar-5717216