Бала әти-әнисеннән башка ерак сәяхәткә барганда нинди документ кирәк?

Бала ерак сәяхәткә, мәсәлән, спорт ярышларына, әти-әнисеннән башка — үзе генә барырга җыенган очракта кирәкле документлар турында «АиФ» хәбәр итте.

Калуга өлкәсе буенча бала хокуклары буенча вәкил Ольга Коробова шул хакта аңлатма бирә.

«Кунакханә хезмәтенең 14-17 яшьлек балаларны урнаштыру буенча яңа кагыйдәләре ел башыннан үз көченә керде.

Хәзер баланы ата-анасы белән урнаштырганда, олылар документлары һәм баланың туу турында таныклыгы кирәк.

Әгәр 14 яшькә кадәрге бала ялгызы булса, аны өлкән кеше озата барырга һәм бу кешедә баланың законлы вәкиленнән нотариуста теркәлгән рөхсәт булырга тиеш.

14 яшьтән соң балалар мөстәкыйль рәвештә кунакханәгә урнаша ала. Бу очракта ата-анасы биргән рөхсәт нотариуста теркәлгән булу таләп ителә», — ди ул.

Фото: pixabay.com