"Хәбәрләр" - 22 июль 2021 ел

Төп темалар: 

1.Шәһәребездә су белән өзеклекләр булуына вакыт узу белән сафтан чыга башлаган торбалар да сәбәпче. Быел «Безнең ишегалды» программасы кысаларында шәһәрдә су линияләрен алыштыру эшләре башланды. 

2.Мөселманнар изге бәйрәмнәрнең берсе - Корбан бәйрәмен билгеләп уза. Ул 3 көн дәвам итә. Әлеге уңайдан Баулы районының барлык мәчетләрендә бәйрәм намазлары укылды.

3.Көн саен илебездә короновирус белән авыручылар саны арта бара. Татарстан Республикасында да коронавирус йоктыручылар саны һаман кимеми. Баулы районында нинди хәл күзәтелгәне алдагы минутларда.

4.Җиңү һәм Хезмәт даны паркын реконструкцияләү эшләре 2020 елның язында ук башланды. Хәзер реконструкциянең соңгы этабы бара. Исегезгә төшерәбез, бу максатка 100 миллион сумга якын акча бүлеп бирелгән.

5.Баулыда чишмәләр  саны 10 артып китә.  Шәһәрлеләрнең яратып суга йөри торган “Ак чишмә”се ни сәбәпле кипкән? 

6.Районыбызда быел айнык булмаган машина йөртүчеләр тарафынанн юл кагыйдәләрен бозуның 64 очрагы теркәлгән. Бу турыда  ЮХИДИнең Баулы бүлекчәсе хәбәр итә.

7.Баулы районында – суда фаҗига. Кызылъяр янындагы буада 1979 елдагы ир-ат батып үлгән. Тулырак алдагы минутларда.