"Хәбәрләр" - 1 апрель 2021 ел

Бүгенге темалар:

 - Безнең районда яңа коронавирус инфекциясеннән коллектив иммунитет формалашсын өчен, 16 меңгә якын кешегә вакцина ясау зарур. Шушы көннәрдә вакцина ясатучылар саны бер меңнән артты.

- Баулыда территорияләрне санитар-экологик чистарту буенча икеайлык игълан ителде. Тулырак алдагы минутларда.

 - Хәрби бурыч турындагы закон нигезендә, 1 апрельдән Россия Кораллы көчләренә язгы чакырылыш башланды. Баулы районыннан – 34, Ютазы районыннан 23 егет армиягә китәчәк.

- Баулы районы буенча социаль яктан куркыныч 16 гаилә учетта тора. Әлеге гаиләләрдә  балигъ булмаган 28 бала тәрбияләнә. Бу хакта  балигъ булмаганнар һәм аларның хокукларын яклау комиссиясенең чираттагы утырышында сүз барды.

- Баулыда гомер итүче тыл һәм Хезмәт ветераны Рәсимә Галимова үзенең 90 яшен билгеләп үтте. Матур традиция буенча, аны өенә барып район җитәкчеләре һәм якыннары тәбрик иттеләр.

- Теманы дәвам итеп. Татар Томбарлы авылында яшәүче хезмәт ветераны, Бөек Ватан сугышы ветераны толы Илгизә Шәйдуллина 90 яшьлек юбилеен билгеләп үтте. Аны туганнары һәм якыннары гына түгел, район җитәкчелеге дә тәбрикләде.

- Баулының үзәк “Гали” мәчетендә намаз уку буенча район бәйгесе үтте. Анда җиде яшьтән ундүрт яшькә кадәрге малайлар һәм кызлар катнашты.