Баулы районында ничә бала туган?

Август аенда Баулы ЗАГС бүлегендә 13 бала тууы теркәлгән, шуларның 7 малай, 6 – кыз. 
Аларның 4се – беренче, 3се – икенче, 5се – өченче һәм 1се дүртенче бала.

Шунысы куанычлы: гаиләләрдә өченче булып туган балалар саны августта теркәлгән балаларның гомуми саныннан 38% тәшкил итте. Ягъни Баулы районында күп балалы гаиләләр үсүен дәвам итә!

Яңа туган балаларга ата-аналар матур исемнәр кушканнар: Родион, Виктория, Эльзана, Егор, Мия, Хасбулат, Нурлан, Леонид, Мирас, Ясминә, Айлина, Андрей.

Иң яшь әнигә – 20 яшь, иң өлкәненә – 40, иң яшь әтигә – 23 яшь, иң өлкәненә – 40 яшь.

Август аенда 16 яшь парның никахы теркәлгән. Иң яшь кәләшнең яше – 20, иң яшь кияүнең яше  – 21 яшь. Иң өлкән кәләшнең яше –  58 яшь, иң өлкән кияүнең яше – 55 яшь.
 

Фото: татар-информ