Икенче мәктәптә кошларны кайгырталар
Шәһәр һәм район мәктәпләрендә Урман һәм Бөтендөнья су ресурслары көннәренә багышланган акцияләр үткәрелде.
Икенче мәктәптә 7 һәм 8 сыйныф укучылары өчен экология һәм су дәрәсе узды, анда әлеге мәктәпнең чыгарылыш укучысы - ТР Экология һәм табигый ресурслар министрлыгы инспекторы Тимур Кадырбаев чакырылды.
Ә 5 һәм 6 сыйныф укучылары өчен урман дәресе оештырылды, анда урманнарны саклау инженеры Владимир Джусоев катнашты. Ул балаларга урманда үзеңне ничек тотарга, аны ничек сакларга кирәклеге турында сөйләде, балаларны сыерчык оялары ясарга өйрәтте. Владимир Борисович "Баулылес" учреждениесеннән шундый 15 оя алып килде. Балалар аларны технология дәрәсендә мәктәп территориясендә элделәр.
Следите за самым важным и интересным в Telegram-каналеТатмедиа
Нет комментариев