Узган тәүлектә Татарстанда 254 кеше коронавирус белән авырган

Авыручылар арасында 24 бала да бар, дип хәбәр итә республиканың коронавирус каршы оператив штабы.

Авыручыларның иң күбе Казанда (74 кеше), Чаллыда (42) һәм Әлмәт районында (19) теркәлгән.

Пандемия башланганнан бирле Татарстанда коронавирусның 140 119 очрагы ачыкланган.

Узган атнада тагын 5 пациент ковидтан вафат булган (1940, 1936, 1949 елгы ир-атлар һәм 1948, 1956 елгы хатын-кызлар). Шушы вакыт эчендә Татарстанда коронавирустан 1914 үлем очрагы теркәлгән. 

Шулай ук узган тәүлектә 264 кеше дәваланып беткән, ә барлыгы 133 539 кеше терелеп беткән.

2 508 996 кеше вакцинация узган (үсеш – 931), алар арасыннан 1 926 123 кеше икенче прививканы да ясаткан. 288 845 кеше ревакцинация узган. 

Фото: pixabay.com

Чыганак: татар-информ