Рассада савытындагы күгәрек гөмбәсеннән ничек котылырга?

Яз көне бакчачылар кечкенә контейнерларга орлык чәчеп, рассада үстерергә керешә. Тик үсемлек савытлары кырыйларына күгәрек — сапрофит гөмбәсе чыга башлый. Гөмбә чыгу үсемлек савытына яктылык җитми, һава алмашы начар дигән сүз. 

Күгәрекне бетерү өчен, туфракның өске катламын алып ташларга кирәк. Аннары корица сибәргә була. Корица — табигый фунгицид, гөмбәләргә каршы чара булып санала. 

Савытларны кояшлы урынга куегыз, туфрак кипкәнче, берничә көн су сипми торыгыз.

Фото: http://pixabay.com

Чыганак: https://intertat.tatar/news/questions_answers/29-04-2020/rassada-savytyndagy-k-g-rek-g-mb-senn-n-nichek-kotylyrga-5738968