Ни өчен ир-атларның һәм хатын-кызларның гомер озынлыгы төрле?

Дания һәм Нидерланд галимнәре ирләрнең һәм хатын-кызларның гомер озынлыгы төрле булуның «чын сәбәбен» атады. Көньяк Дания университеты һәм Грёнингенск университеты белгечләре уздырган тикшеренү күрсәткәнчә, хатын-кызлар ир-атларга караганда уртача ике елга озаграк яши. Бу хакта «Известия» газетасы яза.

Фәнни эш авторлары Төньяк Америкада, Европада һәм Океаниядә 1950-2015 елларда 50-85 яшьлек ир-атларның һәм хатын-кызларны гомер озынлыгын тикшергән.

Ир-егетләрнең 1950 елда хатын-кызларга караганда 2,5 яшькә, — 1980 елда 4,5 яшькә кимрәк яшәве ачыкланган. 2015 елга бу аерма кими башлаган һәм якынча 2 елны тәшкил итә.

Галимнәр әйтүенчә, бу тәмәке тартуга бәйле. Экспертлар фикеренчә, ирләр хатын-кызларга караганда иртәрәк тарта башлагана һәм алар тәмәкене күбрәк тә куллана. Ә хатын-кызлар бу начар гадәткә хирысланып киткәндә, галимнәр тартуның зарарын ачыклаган гына була.

«Бүген, дистә еллар узгач, тәмәке тарту нәтиҗәсендә үлем очраклары ир-атлар арасында сирәк, әмма элек тарткан өлкән яшьтәге хатын-кызлар арасында еш очрый. Ягъни, башта ир-атлар тарта һәм үлә башлаган. Якынча шул вакытта хатын-кызлар тарта һәм үлә башлый», — дип аңлата экспертлар.

Фото: http://pixabay.com

Чыганак: https://intertat.ru/news/incident/31-01-2020/ls-ide-kazanda-avariyad-lg-n-kyzny-tugannary-mashina-y-rt-chene-kargyy-5719735