"Хәбәрләр". Эфир от 9.01.2019

Төп темалар:

- 6 гыйнвардан 7 гыйнварга каршы төндә районның православие гыйбадәт йортларында Раштуага багышланган бәйрәм келәүләре — гыйбадәтләре узды.

-  Боз сыннары, төрле утлардан җем-җем килгән чыршы, бизәкләр үзәк мәйданны ямьләп тора. Бәйрәм рухы биреп торган боздан ясалган эшләнмәләр әллә кайдан үзенә тарта. Тик тиз арада бу боз сыннарын вата, җимерә башладылар. Тулырак алдагы видеоязмада.

- Баулы үзәк хастаханәсенең бала тудыру йортында быел беренче сабый дөньяга аваз салды. Минәҗевлар гаиләсендә туган ир балага Аслан дип исем кушканнар. Әлеге исем көчле, гайрәтле дигәнне аңлата.

- Баулыда яшәүче тыл һәм хезмәт ветераны Әлфия Низаметдинова үзенең 90 яшьлек олы юбилеен билгеләп үтте. Бу көнне ул  якыннарыннан гына түгел, ә район җитәкчелегеннән дә котлаулар кабул итте.

- Татар Томбарлы авылында гомер итүче хезмәт ветераны Әлфия Имамова 90 яшен тутырды. Баулы районы һәм район газетасы белән яшьтәш булган юбилярны район җитәкчеләре дә тәбрик иттеләр.

- Яңа Чуте авылында гомер кичерүче тыл ветераны Миннеҗәннәт Солтанова үзенең олуг юбилей бәйрәмен билгеләп узды. Миннеҗәннәт апаны туган көне белән котларга бик күп кунаклар җыелган иде. Әлеге күркәм чарада безнең төшерү төркеме дә булып кайтты.

- Үзәк мәйданда Казан күчмә театры “Кар бабайлар” тамашасы белән чыгыш ясады. Әлеге спектакль Татарстан Президенты Рөстәм Миңнеханов ярдәмендә Казанның парклар һәм скверлар дирекциясе тарафыннан тормышка ашырылучы “Әкиятләр шәһәрдә” проекты кысаларында күрсәтелде.

- Яңа ел каникуллары чорында Муса Җәлил исемендәге мәдәният йорты хезмәткәрләре балалар өчен төрле бәйрәм чаралары үткәрделәр. Шундыйларның берсе балалар һәм өлкәннәр өчен яңа булган “Карлы баттл”.  Уенның үзенчәлеге шул -  җиңелүчеләр дә җиңүче булып танылды.

- Баулының универсаль спорт залында җиңел атлетика буенча региональ традицион ярышлар үтте. Әлеге ярышлар 2020 нче елның беренче уеннары булды.

- Универсаль спорт залында Кыш бабай кубогына 2009 елда туган малайлар арасында мини-футбол буенча ярышлар узды. Футбол кырында Баулы, Туймазы һәм Бөгелмә командалары очрашты.