Коронавирус турында укучыларыбыз шигырь яза

         Коронавирус

Коронавирус таралган бит,

Бөтен дөнья иленә.

Өйдән чыкмый җырлап ятам

Баламишкин көенә.

Коронавирустан курыкмыйм,

Штраф салудан куркам.

Шуңа беркая чыкмыйча,

Өйдә генә утырам.

Ашамлыклар күп калмады,

Тагын өч көнгә җитәр.

Коронавирус, Баулыга керми,

Бәлки, читләтеп үтәр.

Коронавирус – начар вирус,

Сабыннан курка микән?

Битне, кулларны юабыз,

Шул гына җитәр микән.

Моңа кадәр илләр аралашты

Ызгыш-талашу белән.

Аллаһыбыз хәбәр бирде:

Яшәгез дуслык белән!

                                            Сәет Хафизов