Баулылар — «Созвездие-Йолдызлык» фестивале финалистлары

"Яшьләр дөньясы" яшьләр үзәге мәгълүматы буенча, фестивальнең зона этабында призлы урын алып, финалга узучылар арасында баулылар да бар.

Дарина Шилова "Вокал-соло" номинациясендә беренче урынга лаек булган (җитәкчесе — Фира Тимербаева), ә "Конферанс" номинациясендә кече төркемдә өченче урын алган (җитәкчесе — Йолдыз Шакирова). Сүз уңаеннан, Дарина вокал буенча Баулы балалар сәнгать мәктәбендә әле беренче елын гына шөгыльләнә, ә нәфис сүз буенча — икенче ел. Ул "Йолдызлык"ның зона этабында былтыр да призлы урын алган иде. 

Икенче урын алучы райондашларыбыз:

"Асылташ" хореография коллективы — "Хореография" номинациясендә (җитәкчесе — Илсөяр Дәүләтшина) 

Эльвина Курбанова — "Вокал-соло" номинациясендә (җитәкчесе — Фира Тимербаева). 

Өченче урын алучылар:

"Сөмбел" вокаль ансамбле — "Вокаль ансамбльләр" номинациясендә (җитәкчесе —Фира Тимербаева)

Регина Әхмәтҗанова — "Конферанс" номинациясендә (җитәкчесе — Йолдыз Шакирова). 

 "Апрель" хореография коллективы (җитәкчесе— Мария Савельева) фестивальнең махсус бүләгенә лаек булган. 

Суперфинал 8-12 апрельдә Казанда булачак. 

Фото: Дарина Шилова шәхси архивы, "Асылташ" хореография коллективы архивы