Баулы укучыларына мәдәни көндәлекләр тапшырдылар

2014 нче елда Татарстанда "Беренче сыйныф укучысының мәдәни көндәлеге" проекты старт алды. Быел әлеге проект киңәйтелеп, 1-4 сыйныф укучыларына юнәлтелгән мәдәни көндәлекләр барлыкка килде.

Мавыктыргыч чарада әкият геройлары Мальвина һәм Буратино укучылар өчен истә калырлык бәйрәм үткәрделәр. Укучылар слайдлар аша башкалабыз Казанга экскурсиягә барып кайттылар. Викторинада катнашып, төрле кызыклы табышмакларга җаваплар эзләделәр.

Соңыннан исә һәр укучы мәдәни көндәлеккә ия булды.