Баулы йолдызчыклары Кырымнан кайтты

«Созвездие-Йолдызлык» фестивале лауреатлары буларак Баулының «Даринки» балалар вокаль ансамбле Кырымга барып чыгыш ясаганнары турында «Слава труду» сайты хәбәр иткән иде инде. Быел «Созвездие-Йолдызлык» артистлары беренче тапкыр Балаклава һәм икенче мәртәбә Бахчисарай халкы алдында чыгыш ясады, дип хәбәр итә Интертат.ру.

Делегация җитәкчесе Алсу Мадишина әйтүенчә, быел балалар 5 мең кеше сыйдырылышлы зур стадионда чыгыш ясаган. Трибунада буш урыннар да калмаган. Концертның беренче өлеше Бөек Җиңүгә багышланган. Катнашучыларның чыгышы конкурсның финал вакытындагы номерларыннан төзелгән.

Чыгышларыннан тыш балалар төрле мастер-классларда да катнашкан.