Татар Кандызы авылында янгын чыккан йортта ир-ат мәете табылган

Бүген төнлә Баулы районы Татар Кандызы авылында ташландык йортта янгын чыккан. Анда ир-ат мәете табылган.

Янгын сүндерүчеләр кеше яшәми торган йортны тулысынча янгын чорнап алуын ачыклаган. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Янган йортның хәрабәләрен тикшергәндә 61 яшьлек ир-атның мәете табылган.

Янгын 72 кв.метр мәйданга зыян китергән. Янгын чыгу сәбәпләрен тикшерәләр.

Фото:  ГУ МЧС России по РТ

Чыганак: https://tatar-inform.tatar/news/incident/12-03-2021/tatarstanny-ber-avylynda-yangyn-chykkan-tashlandyk-yortta-ir-at-m-ete-tabylgan-5812255