Мәктәпләргә керү контроле көчәя

Роспотребнадзорның Татарстан идарәсе Баулы районы территориаль бүлеге баш белгеч-эксперты Галина Алатырева мәгълүматына караганда, бүгенге көндә районда яңа коронавирус инфекциясе йоктыруның 69 очрагы теркәлгән, өчесе соңгы көннәрдә ачыкланган. Аларның берсе – балалар бакчасына йөргән мәктәпкәчә яшьтәге бала. Бала йөргән мәктәпкәчә белем бирү учреждениесендә берничә этапта дезинфекция үткәрелгән.

Бүгенге көндә яңа коронавирус инфекциясе белән авыручы ун кеше исәптә тора, дүртесе – хастаханәдә, алтысы өйләрендә дәвалана. Алар белән элемтәдә булучылар – 12.

Пневмония белән авыручылар саны: 15-21 мартта – 16 кеше, шул исәптән өчесе – балалар; 22-28 мартта – 43 кеше, бишесе – балалар.

Районда кискен респиратор авырулар күрсәткече әле һаман да югары. Мәсәлән, 15-21 мартта 71 очрак теркәлгән (17 яшькә кадәрге балалар – 56), 22-28 мартта – 54 (44).

Баулы район үзәк хастаханәсе баш табибы Глеб Алексеев мәгълүматына караганда, провизор госпитале тулы, алты кеше кислород ярдәмендә сулый.

Фото:  pixabay.com