Баулы районында Ураза бәйрәме яшьләрчә узды

Алдагы көнне мәчетне җыештыруда катнашкан яшьләр Сәйрин хәзрәтнең вәгазь сөйләвен тыңладылар. Аннан соң авыл җирлеге башкарма комитетының сәркәтибе Айгөл Миназова яшьләргә су янында үзеңне тоту кагыйдәләре турында инструктаж уздырды. Шулай ук янгын куркынычсызлыгы һәм тѳзекләндерү кагыйдәләре белән таныштырды.

Яшьләр күңелле ял иттеләр, яхшы өстәл әзерләделәр. Волейбол, футбол уйнадылар. Мәчет тормышында актив катнашучылар Регина Миннуллина һәм Рифат Ганиев мактау грамоталарына лаек булдылар.