Баулы районы Татар Кандызы авылында зәңгәр чыршылар утырттылар

Әлеге чара республикабыз лидеры Рөстәм Миңнеханов башлангычы белән, территорияләрне комплекслы үстерү, төзекләндерү һәм яшелләндерү мәсьәләләренә җәмәгатьчелек игътибарын җәлеп итү максатыныннан чыгып игълан ителгән.

- Безнең Татар Кандызы мәктәбенең укучылар һәм укытучылар коллективы бу чаралардан читтә калмады, - дип хәбәр итә мәктәп директоры Илшат Хәлиуллин. - Мәктәп тирәсенә 45 төп зәңгәр чыршы утыртылды. Чыршы үсентеләрен алып кайтучы авылдашыбыз Сабиров Раиль Равилевичка ныклы исәнлек теләп, мәктәп коллективының олы рәхмәтен җиткерәм.

Фото: «Кандыздан без!», vk.com