Баулы ифтар мәҗлесендә республика мөфтие катнашты

Районыбыз мәчетләрендә ифтар кичәләре дәвам итә. 17 июньдә Баулының "Өмет" мәчетендә узганы аеруча күркәм булды. Анда Татарстан Республикасы мөселманнары Диния нәзарәте рәисе, мөфти Камил хәзрәт Сәмигуллин, Баулы муниципаль районы башлыгы Рамил Гатиятуллин һәм башка җитәкчеләр катнашты.

Ифтар кичәләре биредә көн аралаш үткәрелә. Гадәттә, аларга 200-250 кеше җыела. Бүген исә 300дән артык булды. Ифтар ризыклары хәйрия акчаларына әзерләнә. Аеруча актив хәйриячеләр Фәргать Шафиковка, Айдар Гафуровка, Риф Васиковка Диния нәзарәтенед рәхмәт хатлары тапшырылды.

Ифтар мәҗлесеннән репортажны "Хезмәткә дан" газетасыннан укырга, Баулы телевидениесеннән карарга мөмкин.