Баулыда чаңгы базасы эшли башлый

Хәзер Трёхгоркада яктыртылган трасса, махсус резак белән салынган яхшы чаңгы юлы барлыкка килде. Модульле базада чаңгычыларга уңайлы шартлар тудырылган – биредә душ кабиналары, шкафлы чишенү-киенү бүлмәләре бар. 1нче спорт мәктәбе директорының спорт эшләре буенча урынбасары Римма Гыймалетдинова мәгълүматына караганда, базада чаңгыны прокатка алып булачак, шулай ук чаңгычылар өчен секцияләр эшләячәк.

Модульле чаңгы базасын ачу тантанасы 9 сәгатьтә була. Чаңгы ярышлары 10 сәгатьтә башлана. Ярышларда барлык теләүчеләр катнаша ала.

Автор фотосурәте