Баулы редакциясендә газета-журналлар сатыла
Бу мәгълүмат татарча китаплар һәм газета-журналлар укырга яратучы баулылар өчен. “Баулы-информ” редакциясе татарча әдәби китаплар, газеталар һәм журналлар тәкъдим итә. Бәяләре кыйммәт түгел.
Редакциянең реклама бүлегенә мөрәҗәгать итеп, әле яңа гына табадан төшкән татарча газета-журналлар алырга була.
“Сөембикә” журналы – хатын-кызлар өчен татар телендә нәшер ителә торган бердәнбер әдәби-нәфис журнал. Редакциягә аның яңа саны кайтты. Ул әллә кайдан игътибарны җәлеп итеп тора. Журналда төрле, кызыклы темаларга язмалар урын алган. Алар шулкадәрле тәмле тел белән язылган: укыйсы гына килеп тора.
Редакциядә “Шәһри Казан.Язмыш” газетасы да сатыла. Анда укучыларга тәкъдим ителгән төрле язмышлар турындагы язмалар беркемне дә битараф калдырмас.
“Сәхнә” журналы – татар сәнгатен һәм төрки дөньяның мәдәни тормышын, театр, эстрада, сәнгать: аларның киләчәге һәм бүгенгесен, уңышлары һәм проблемаларын яктыртучы журнал.
Кышкы озын кичләрдә буш вакытыгызда татарча китаплар һәм газета-журналлар укырга теләсәгез, редакциянең реклама бүлегенә мөрәҗәгать итегез. Белешмәләр өчен телефон: 5-64-50.
Реклама
16+
Фото: Гөлшат Шәрипова
Следите за самым важным и интересным в Telegram-каналеТатмедиа
Нет комментариев