Авыл китапханәсен иң яхшы дип тапканнар

Татар Кандызы авыл китапханәсенә, муниципаль мәдәният учреждениеләре конкурсында “Татарстан Республикасы авыл җирлеге территориясендә урнашкан иң яхшы китапханә” номинациясендә җиңгән өчен, акчалата бүләк биреләчәк. Акчаны учреждениенең матди-техник базасын ныгыту өчен куллану күздә тотыла, аерым алганда, җиһаз алу планлаштырыла.

Исегезгә төшерәбез, ел саен үткәрелә торган әлеге конкурста узган елны Поповка авыл китапханәсе җиңү яулаган иде.

Фото: pixabay.com