Баулыларны бәйрәмгә чакырабыз

Бәйрәмне районның сәнгать мәктәбе укучылары, җирле артистлар һәм Гаилә фестивале ачып җибәрә. Аны “Без бергә – мы вместе!” этнофестивале дәвам итәчәк. Әлмәт шәһәренең “Леонардо” бәйрәм корпорациясе бәйрәм кунакларына онытылмаслык мизгелләр бүләк итә. Шул ук вакытта иҗат остаханәләре, мастер-класслар, балалар өчен мәйданчыклар, гастрономия зонасы, милли ишегаллары күргәзмәсе, музыкаль мәйданчыклар, кул эшләре осталарының ярминкәсе эшләячәк. Бәйрәмнең тантаналы өлеше Татарстан һәм Башкортстан артистларының концерты белән дәвам итә. Баулыларга ТР атказанган артисты Азалия Зиннәт, ТР һәм Башкортстанның халык артисты Салават Фәтхетдинов һәм Башкортстан республикасының халык артисты Радик Юлъякшин -Элвин Грей зур концерт бүләк итә.

Бәйрәмгә рәхим итегез!