Баулы районы башлыгы мөселманнарны Корбан–бәйрәме белән котлый

Хөрмәтле райондашлар, мөселман дин кардәшләр! 

Корбан гаете, Ислам динендәге башка бәйрәмнәр кебек үк, күркәм эшләр кылуны, рухи чисталыкка ирешүне һәм гөнаһларыбызны ярлыкауны гәүдәләндерә. Әлеге бәйрәм бигрәк тә авыруларга, бәла-казаларга юлыккан мөселман кардәшләребезгә, олы буын вәкилләренә, ятимнәр һәм мохтаҗларга битараф калмаска, аларга игътибар күрсәтергә чакыра. Дини бәйрәмнәребез дә районыбыздагы төрле милләт вәкилләре арасында гасырлар буена килгән дуслыкның ныклыгын, өлкәннәргә, мохтаҗларга карата ихтирамыбызның күңелләрдә саклануын ачык дәлилли. Мөселман динендә булган һәркемне Корбан бәйрәме белән тәбрик итәм, күңел тынычлыгы, иман байлыгы, бәрәкәтле озын гомерләр телим.

Ильяс Гозәеров,
муниципаль район башлыгы.