Баулы районы халкының яртысыннан артыгы Конституциягә төзәтмәләр буенча тавыш бирде

Күпчелек халык сайлауларга вакытыннан алда баруны өстен күрә. Конституциягә төзәтмәләр буенча тавыш бирү 25 июньдә башланды. Бердәм гомумроссия тавыш бирү көне 1 июль – ял көне дип игълан ителде. Әмма, участокта халык күп җыелмасын һәм тавыш бирүчегә уңайлы булсын өчен, сайлауга вакытыннан алда - 25-30 июнь көннәрендә килергә була. Әйтик, 29 июнь торышына Баулы районында халыкның 56,5 проценты тавыш бирде, дип хәбәр итте БМР Советы Аппараты җитәкчесе Айгөл Халитова.