Баулы районында халык санын алачаклар

Татарстанстат октябрь аенда халыкны социаль-демографик тикшерү уздырачак - республикада 1-31 октябрьдә "Микроперепись-2015" үтәчәк. Акция барышында Татарстан халкының хәзерге социаль-демографик хәле турында мәгълүмат туплау, җәмгыятне үстерү һәм якланмаган катлауларга ярдәм итү программалары эшләү планлаштырыла. Татарстанстатта әйтүләренчә, халык санын алучы белән аралашу якынча 15 минут алачак. Аңа паспорт һәм башка документларны күрсәтергә кирәкми. Тупланган мәгълүмат - конфидениаль.