Күрше төбәктә югалган малай җәсәде табылган

Оренбург өлкәсе Сакмар районы Чапаевское авыл зиратында кар астыннан 10 яшьлек малай җәсәден табып алганар. Җинаять урынын үтерүдә гаепләнүче, мәрхүм малайның 15 яшьлек дусты күрсәтә.

Тикшерү версиясен матбугат чаралары болай тасвирлый: 19 ноябрь көнне дуслар үсмернең әнисе җирләнгән зиратка юл тота һәм “Эчә торган әни бөтенләй булмаган әнигә караганда яхшырак” дигән темага талашып китә. Үсмер кече яшьтәге дустын үтергәнче кыйный.

Югалган малайны Русиянең берничә төбәгендә эзлиләр. Аны Башкортстан, Татарстан, Чувашия, Мордовия һәм Самара аша әтисе янына Ульяновск өлкәсенә киткән дип уйлыйлар.

Тулырак: http://matbugat.ru/news/?id=24108

Фото https://sledcom.ru