Баулыда волонтёрлар оешмасы сугышчыларга ярдәм оештыра
Махсус хәрби операция башланганнан бирле, йөзләгән баулылы сугышчыларга хәлләреннән килгәнчә ярдәм итә. Кемдер гуманитар ярдәм җыя, ә кемдер яшеренү өчен кирәк булган челтә үрү осталыгын үзләштергән. Бүген сүзебез “Игелек челтәрләре” дип исемләнгән волонтёрлар оешмасы турында. Биредә сугышчыларга төрле яклап ярдәм итәргә тырышалар – челтәрләр үрүдән һәм дронга каршы плащлар тегүдән алып, витаминлы чәйләр әзерләүгә кадәр.
