Бавлы-информ
  • Рус Тат
  • Сырлы гөмбәле аш

    Бик тәмле, үзенчәлекле аш рецепты тәкъдим итәбез сезгә, хөрмәтле укучыларыбыз.

    Кирәк була:
    200 г шампиньон; 
    уртача зурлыктагы ике баш суган; 
    40 г акмай; 
    2 аш кашыгы көнбагыш мае; 
    200 г эретелгән сыр; 
    ярты литр сөт; 
    0,7 л су; 
    яшел тәмләткечләр. 

    Әзерләү тәртибе: 
    Суганны ваклап, гөмбәне озынча итеп турыйбыз. Калын төпле казанга көнбагыш мае белән акмай салып, җылытырга керешәбез. Май чыжылдый башлауга, шунда суганны үтәкүренмәле булганчы көчле утта кыздырабыз. Аннары гөмбә өстәп, суты парга әйләнгәнче кыздырабыз. 

    Кайнатып суытылган су салып, тоз кушабыз. Утны уртача кызулыкта калдырабыз. Сөт агызабыз, ул җылына башлагач, ваклап туралган сыр салабыз. Сыр төерле булып калмасын өчен, кашык белән болгатып торабыз. 

    Аш кайнап чыккач, ун минут салмак утта пешерәбез.

    Ашларыгыз тәмле булсын!

    Фото: yandex.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: