Бавлы-информ
  • Рус Тат
  • Катык рецепты

    Катык ясау рецептын тәкъдим итәбез.

    Кирәкле ингредиентлар: куе сөт – 2 л, оеткы – 200 мл.

    Эш барышы: Куе сөтне якынча 3 сәгать дәвамында кызгылт-сары төскә кергәнче кай­натабыз, 40°С ка кадәр суытып, оеткы салабыз. Аннары яхшылап болгатабыз һәм, селкетмичә генә, сөлге яисә калын әйбер белән төреп, җылы урынга куябыз. Катык 6–8 сәгать эчендә ойый. Оегач, аны салкын урынга куярга кирәк.

    Тәме буенча катык төчерәк яки әчерәк була. Төче катыкның үзен генә кулланалар, ә әчерәген ашка катып ашыйлар.

    Катыкны чөгендер белән дә оетырга мөмкин. Юып пешергәннән соң, кабыгы әрчелгән чөгендерне турыйбыз да кайнар сөткә оеткылык өстәгәнче үк салабыз.

    Фото: http://yandex.ru

    Чыганак:  https://intertat.tatar/news/cooking/31-03-2020/katyk-retsepty-5730991

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: