Баулыда “Частник” профилактик операциясе бара
Баулы районында 10 сентябрьдән “Частник” профилактик операциясе башланды.
Операция үзйөрешле машиналарны куллануга күзәтчелек итү, алар катнашындагы юл-транспорт һәлакәтләрен, бәхетсезлек очракларын киметү максатыннан уздырыла. 10 сентябрьдән 8 октябрьгә кадәр шәхси үзйөрешле машиналар, тракторлар һәм прицеплар игътибар үзәгендә булачак. Гостехнадзор инспекторлары һәм ЮХИДИ хезмәткәрләре уртак рейдлар үткәрәчәк.
Гостехнадзорның Баулы районы буенча баш дәүләт инженер-инспекторы Альберт Талипов әйтүенчә, тикшерүләр вакытында тракторлар, үзйөрешле машиналар һәм прицепларның теркәү мәгълүматына туры килү-килмәвенә аеруча зур игътибар биреләчәк. Шулай ук машина йөртүчеләрнең транспорт чарасы белән идарә итүгә тиешле таныклыгы, техник карау узуын раслаучы документы булу-булмау да тикшереләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев