Хәния Фәрхинең әнисе вафат

Танылган җырчыбыз Хәния Фәрхинең әнисе вафат булган.

Бу хакта «Интертат»ка җырчының энесе Нурисламның кызы Миләүшә Гыйлемханова хәбәр иткән. Ул соңгы елларда төпчек кызы Фирүзә гаиләсендә Тәтешледә яшәде.
«Әбиебез бик матур гомер һәм күркәм картлык кичерде. Әле менә җәен генә урын өстенә калды. Сөйләшә алса да, соңгы вакытта иң якын кешеләрен генә таныды, ялгышкалады. Фирүзә апабыз бик карады инде әбиебезне. Бик күп югалтулар кичерсә дә, әби озын гомерле булды. Аллаһы Тәгалә аңа гомерне мулдан бирде. Алты баласының дүртесен җирләгән ана бит ул...» – дигән Миләүшә.