Кайсы чикләвек файдалы

Кешью тиз үзләштерелә торган углеводларга, протеиннарга һәм магнийга бай. Бу элементлар кешенең чыдамлыгын арттыра. Шуңа да кешьюны көннең беренче яртысында һәм фитнес-клубка барыр алдыннан ашарга киңәш итәләр.

Мәк спорт белән шөгыльләнеп, тиз арада ябыгырга теләүче кешеләр өчен файдалы. Анда мускуллардагы авыртуны баса торган матдә бар.
Җитен орлыгы балласт матдәләргә бай һәм алар озак вакыт ашыйсыны китерми. Аны ашагач, күп итеп су эчү зарур.

Миндальдә аксым күп. Ул матдәләр алмашын яхшырта, ябыгырга ярдәм итә.
Урман чикләвегендә (фундук) җитәрлек микъдарда лецитин дигән матдә бар. Ул нервларны ныгыта.

Арахистагы триптофан аминокислотасы бәхет гормоны бүленеп чыгуны арттыра. Бу кешегә тыныч, тормышыннан канәгать булу өчен кирәк. Ләкин игътибарлы булыгыз: арахис аллергия китереп чыгарырга да сәләтле.

Чикләвекләрне көннең беренче яртысында ашау хәерле. Чама хисен дә онытырга ярамый. Көнлек норма – 10 данә чикләвек.

Фото: Шедеврум нейрочелтәре тарафыннан барлыкка китерелгән