Эшләүче пенсионерларның пенсия хисабы үзгәрде. Аның тәртибен аңлатабыз

Бу чара 2016 елдан бирле туктатылган иде. 2024 елның 8 июлендә имзаланган 173нче номерлы Федераль канун нигезендә, эшләүче пенсионерларның пенсияләре ел саен алдагы елның инфляция дәрәҗәсенә кадәр артачак. Беренче арту 2025 елның 1 гыйнварыннан булган һәм 9,5 процент тәшкил иткән.

Россиянең социаль фонды хәбәр иткәнчә, индексацияне яңарту процессы автомат рәвештә гамәлгә ашырылачак. Гражданнарга бернинди гамәлләр кылырга яки нинди дә булса инстанцияләргә мөрәҗәгать итәргә кирәк булмаячак.

Эшләүче пенсионерлар-пенсия яшенә җиткән, әмма эшләүләрен дәвам итүче гражданнар. Әгәр пенсионер хезмәт яки гражданлык-хокукый килешү буенча эшләсә һәм аның эш бирүчесе Социаль Фондка акча күчерсә, ул эшләүче пенсионер булып санала. Әмма үзмәшгульләр андый хокукка ия була алмый, чөнки иминият взносларын түләмиләр.
Россия Социаль фонды мәгълүматлары буенча, 2024 елның 1 ноябренә илдә 41 миллионнан артык пенсионер исәпләнә, шуларның 8 миллионга якыны эшли. Шул вакытка пенсиянең уртача күләме 21 082,62 сум тәшкил иткән, шул ук вакытта эшләүче пенсионерлар уртача 18 483,38 сум алган.

Эшләүче пенсионер ике төрле пенсия алырга хокуклы: картлык буенча иминият пенсиясе һәм тупланма пенсия. Иминият пенсиясе хезмәт хокуклары нигезендә формалаша һәм дәүләттән билгеләнгән өстәмә түләүне үз эченә ала. Аны билгеләү өчен төгәл бер яшькә (хатын — кызлар өчен 58 яшь һәм ир-атлар өчен 63 яшь) ирешергә, кимендә 15 ел иминият стажы һәм ким дигәндә 28,2 пенсия коэффициенты булырга тиеш (2025 елда-30).

Эшләүче пенсионерлар өчен пенсиянең беркетелгән өлешен индексацияләү 2016 елдан бирле үткәрелмәгән. Пенсиянең иминият өлеше ел саен эш бирүче түләүләреннән тупланган пенсия баллары нигезендә арта. Социаль фонд автомат рәвештә иминият өлешен пенсионерлардан гариза бирү кирәклегеннән башка яңадан саный, әмма бер ел эчендә максималь өстәмә өч пенсия коэффициентыннан артмаска тиеш.

Эшләүче пенсионерлар шулай ук тупланма пенсия ала ала, ул үз тупланмаларыннан һәм эш бирүченең түләүләреннән формалаша. Мондый пенсиягә хокук иминият пенсиясенә караганда иртәрәк килә: хатын — кызлар өчен — 55 яшьтән, ирләр өчен-60 яшьтән.

Гражданнар категорияләре: гражданнарның төрле төркемнәре тупланма пенсиягә хокуклы, шул исәптән:

  • 2002 елдан 2004 елга кадәр взнослар түләнгән 1953-1966 елгы ир-атлар һәм 1957-1966 елгы хатын-кызлар.

  • Тупланма пенсиягә өстәмә иминият кертемнәре түләүче гражданнар.

  • Пенсия тупланмаларын формалаштыру өчен ана капиталын кулланучылар.

Айлык түләү күләмен исәпләү өчен, пенсия тупланмаларының гомуми суммасын 2024 елда 264 айга бүләләр, ә 2025 елда бу чор 270 айга кадәр арта.

Шулай ук Дәүләт Думасына хәрби пенсияләрне 9,5 процентка индексацияләү турындагы закон проектын кертәчәкләр.

Фото: татар-информ