“Өченче буын” сынатмый

Пенсионерлар берлеге җирле бүлекчәсе рәисе Альбина Сәмигуллина җитәкчелегендәге ун кешедән торган Баулы пенсионерлар командасы төрле ярышларда уңышлы чыгыш ясаган. Алар җиңел атлетика, дартс һәм өстәл теннисы буенча яхшы нәтиҗәләргә ирешкәннәр. Мәсәлән, Виктор Мельников 400 метрга йөгерүдә, Раиса Исмагилова дартста беренче, Татьяна Однодворцева өстәл теннисында бишенче урын алган. Командалык зачётында баулылар 23 команда арасында алтынчы урынга лаек булганнар.