Баулыларга электрон хезмәт кенәгәсен сайларга була

Исегезгә төшерәбез, киләсе елдан россиялеләрнең хезмәт кенәгәләре электрон рәвештә дә ачык булачак. Ел ахырына кадәр оешма хезмәткәрләре документның нинди форматына өстенлек бирүләре турында карар кабул итәргә тиеш: кәгазь, электрон рәвештә, яки ике вариантта да.

Баулы шәһәре, Баулы һәм Ютазы районнары буенча Пенсия фонды идарәсе начальнигы Станислав Тимофеев ассызыклаганча, гражданнар үзләренә нинди хезмәт кенәгәсен уңайлы икәнен үзләре билгели. Моның өчен предприятиеләрнең кадрлар бүлеге хезмәткәрләре оешма хезмәткәрләреннән гариза җыя.

Шул ук вакытта Станислав Тимофеев кенәгәнең теге яки бу форматына күчү турында гариза тутырмаган хезмәткәрләрнең хезмәт кенәгәләре 2021 елның 1 гыйнварыннан автомат рәвештә электрон рәвешкә күчереләчәк, дип билгеләп үтте.

Фото: pixabay.com