Баулыда прививка ясауның яңа пункты ачыла

26 майда  Баулы район үзәк хастаханәсендә яңа коронавирус инфекциясенә каршы вакцина ясау буенча өстәмә кабинет ачыла. “Баулы-информ”га бу хакта медучреждение баш табибы Глеб Алексеев хәбәр итте.

Пункт район хастаханәсенең 306нчы кабинетында эш көннәрендә 17-19 сәгатьләрдә эшләячәк.

Баш табиб билгеләп үткәнчә, прививка ясатыр өчен, паспорт, СНИЛС, ОМС полисы булу зарур.

Ковидка каршы прививканы район үзәк хастаханәсендә, авыл ФАПларында, “Ватан” өстәмә пунктында (9-12 сәгатьләрдә) да ясатырга мөмкин. Коллектив вакцинация ясау кирәк булса, медиклар предприятиеләргә дә бара.

Фото: pixabay.com