Баулы районы спорт һәм туризмны үстерү бүлегенә яңа җитәкче билгеләнде

Авыл җирлекләре башлыклары, район предприятиеләре һәм оешмалары җитәкчеләре катнашында үткәрелгән атналык киңәшмәдә спортны һәм туризмны үстерү бүлегенең яңа җитәкчесе вазифасына Илмир Сабиров тәкъдим ителде.

Илмир Сабиров моңа кадәр 2нче спорт мәктәбендә тренер-укытучы иде.

Баулы районы башлыгы урынбасары Ринат Хәмидуллин Илмир Сабировка яңа вазифада уңышлар теләде, Баулыда спорт һәм яшьләр сәясәте үсешенең яңа этабы башлануга өмет белдерде.