Авыл җирлекләрендә мал саны артачак, субсидия суммасы арткан
Авыл җирлекләрен, хуҗалыкларны тотрыклы үстерүгә һәм тормыш сыйфатын яхшыртуга ярдәм итү өчен Татарстан республикасы Рәисе Р.Н.Миңнеханов шәхси ярдәмче хуҗалыкларга ярдәм чараларын арттыру турында карар кабул итте.
Авыл хуҗалыгын үстерүгә түбәндәге субсидияләр каралган. Бер баш савым сыерын асрауга субсидия күләме 6 300 сум. Савым кәҗәсенә бер башка 1000 сум. Тана бозаулар сатып алу өчен бер баш малга 80 мең сум, нәселле танага 90 мең сум каралган. Товарлыклы-сөтчелек юнәлешендәге мини фермалар төзү өчен дә субсиди күләме билгеләнгән: биш сыердан торган ферма - 500 мең сум, сигез баш савым сыерга исәпләнгән мини фермага - 1 миллион сумга кадәр субсидия бирелә.
Фото: татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев