25 октябрьдә Корбан бәйрәме үткәрелә

Мөселман илләренең астрономик обсерваторияләренең фәнни тикшеренүләре нигезендә, ТР мөселманнар Диния нәзарәте казыйлары советы тарафыннан исәпләүләр үткәрелде, алар буенча ай календареның Зөл-хиҗә аеның беренче көне - 2012 елның 16 октябренә, ә Корбан гаетенең беренче көне 25 октябрьгә туры килә.

Татарстан Республикасында 2012 елның 25 октябрендә Корбан гаете эш көне булмаган бәйрәм көне булып санала.

Бу көнне республиканың барлык мәчетләрендә 6 сәгать 30 минутта намаз укыла, 7 сәгать 15 минутта вәгазь башлана, 8 сәгатьтә бәйрәм намазы укыла. "Яңа гасыр" ТРКда Ак мәчеттәге (Болгар шәһәре, Спасс районы) Корбан бәйрәмен турыдан-туры трансляцияләү сәгать 9да башланачак.