ОРВИ һөҗүм итә

Октябрьнең ике атнасында гына да ОРВИ белән авыруның 369 очрагы теркәлгән. Әлеге атна башында медицина ярдәме сорап 70кә якын кеше мөрәҗәгать иткән. Роспотребнадзорның территориаль бүлеге белгечләре сезонга җитди рәвештә хәзерләнергә - сарымсак һәм суган белән "коралланырга", бүлмәләрне җилләтергә һәм авырулар белән аралашканда битлек кияргә, шулай ук гриппка каршы вакциналаштыруны истән чыгармаска киңәш итәләр.