Әдипне олылыйбыз

Бүген Габдулла Тукайның туган көне. Татар халкының бөек шагыйре туган көнен бөтен татар дөньясында, шул исәптән Баулы районы мәгариф һәм мәдәният учреждениеләрендә дә, ел саен билгеләп үтәләр. Мәсәлән, Татар Томбарлы авылы мәктәбендә бу көннәрдә Г.Тукайга багышланган декада бара. Фәнни конференцияне, сочинениеләр һәм рәсемнәр конкурсларын, театрлаштырылган тамашаларны, "Башваткыч" уенын һәм башка күп төрле файдалы һәм тәрбияви әһәмияткә ия чараларны үз эченә алган декадада башлангычтан башлап югары сыйныфларга кадәр барлык укучылар да катнаша.