Ризык белән бәйле киңәшләр

1. Профилактика өчен витаминнар кабул итү. Кешеләр, күп очракта, витаминнарны анализлар бирмичә, табиб белән киңәшләшми генә кабул итә. А, Е һәм Д витаминнары артык булганда, организмда туплана һәм зыян салырга мөмкин. Витаминнар кабул итәр алдыннан башта анализлар бирү таләп ителә.

2. Организмга яшелчәләр җитмәү. Җиләк-җимеш безнең өчен мөһим. Әмма яшелчәләрне дә тиешле күләмдә ашарга кирәк. Без ашаган һәр 200 гр яшелчә йөрәк-кан тамырлары авыруларын 13 процентка киметә. Җиләк-җимеш моны 7 процентка гына башкара. Көнгә 400 гр яшелчә, 200 гр җиләк-җимеш ашарга киңәш ителә.

3. Катырылган продуктларның файдасын бәяләп җиткермәү. Кешеләр туңдырылган җиләк-җимеш һәм яшелчә файдалы үзлекләрен югалта, дигән фикердә. Тикшеренүләр күрсәткәнчә, андый ризыкларда С витамины 90 процентка кадәр саклана.

4. Йогуртны җиләк-җимеш белән кушып ашау. Күпләр җиләк-җимештән йогурт белән “салат” ясап ашый. Чынлыкта, болай эшләргә ярамый. Җиләк-җимештәге кислоталар йогурттагы файдалы бактерияләрнең 60 процентын диярлек юкка чыгара. Ә менә чикләвекләрне йогурт белән ашасагыз, файдасы күбрәк булыр.

5. Ашау вакытына игътибар бирмәү. Белгечләр искәртүенчә, ашау вакыты матдәләр алмашына зур йогынты ясый. Сәгать иртәнге 9 га кадәр булган иртәнге аш метаболизмны 23 процентка яхшырта. Ә сәгать 20.00 дән соң ашалган кичке аш симерүне 48 процентка арттыра. Шуңа да иртәнге аш 7-9 сәгатьләр арасында, төшке аш 12.00-14.00 арасында, ә кичке аш 18.00-19.00 арасында булырга тиеш.

Фото: татар-информ