Машина сайлыйбыз

Беренче машина тотылган булса да ярый диючеләр очрый. Әмма халык әйтемен онытмагыз: искегә тисәң, исең китәр! Кулланылган машинаның әле бер җире, әле икенчесе ватыла торган була.
Сез сайлаган машинаның кибеттә ПТСы булырга тиеш. Бу – бик мөһим, чөнки күп кибетләрдә сатуда торган машиналарның документлары үзендә булмый. Рәсми дилерга заводтан машина килә, ә ПТС килми. Ул машина өчен кибет акча түләгәч кенә паспортны җибәрәләр. 
Машина заводтан кайтканда бәре­лергә-сугылырга да мөмкин. Яңа машина алганда буявының калынлыгын махсус җайланма белән тикшерергә кирәк.
Автомобильнең күпме вакыт урамда торганлыгын белү өчен моторның астына һәм тәгәрмәч дискларына иелеп карагыз.