Баулылыны алимент түләмәгәне өчен җаваплылыкка тарттылар

Суд ир-атны РФ ҖК 157 маддәсенең 1 өлешендә каралган җинаять кылуда гаепле дип тапкан (балигъ булмаган балаларны тәрбияләү өчен суд карарын бозып, ата-ана тарафыннан җитди сәбәпләрсез түләнмәгән, әгәр бу гамәл берничә тапкыр кылынган булса).

Судта гаепләнүченең 2022 елның октябреннән 2023 елның гыйнварына кадәр балигъ булмаган баланы тәрбияләү-тоту өчен алимент түләүдән качуы ачыкланган. Алиментлар буенча бурыч 50 мең сумнан артык тәшкил иткән.

Шул ук вакытта элегрәк тә гаепләнелүче алимент түләмәгәне өчен административ җаваплылыкка тартылган булган.

Суд утырышы барышында гаепләнүче кылган эшендә гаепне тулысынча таныды.

Суд аңа шартлы рәвештә бер ел сынау срогы белән алты айга ирегеннән мәхрүм итү рәвешендә җәза билгеләде.

Чыганак: татар-информ