Баулыларга киңәшләр: мошенниклардан сакланыгыз!

Ел башыннан Баулы районында банк счётларыннан акча урлауның 11 факты теркәлгән. Мошенниклар тозагына эләкмәс өчен, Россия эчке эшләр министрлыгы Баулы районы бүлеге мошенникларның аеруча киң таралган түбәндәге алдау ысулларын билгеләп үтте:

– интернет-сату сайтларында “игезәк” белдерүләр яки булмаган товарлар турында белдерүләр урнаштыру;

– сәүдә мәйданчыкларында, сәүдә биржаларында криптовалюта сату-алу килешүләре вакытында мошенниклык;

– IP-телефония, мобиль җайланмалар номерларын кулланып кылынучы мошенниклык. Җинаятьчеләр, шалтыратып, үзләрен банк хезмәткәрләре яки банкның куркынычсызлык хезмәте хезмәткәрләре дип таныштырып, имеш, кешегә мошенниклык гамәлләре кылынуын әйтәләр.