Баулыда хокук бозу ачыкланган

Шәһәр прокуроры урынбасары Артём Родионов мәгълүматы буенча, Баулы шәһәр прокуратурасы транспорт чараларын йөртергә профессиональ укыту программасы буенча белем бирү эшчәнлеге алып бара торган “Гарант” укыту-курс комбинаты хезмәткәрләренең юл хәрәкәте иминлеге өлкәсендәге закон таләпләре үтәлешен тикшергән.

Тикшерү барышында, предприятие эшчәнлегендә юл хәрәкәте иминлеге өлкәсендә закон билгеләгән мәҗбүри таләпләрне бозу ачыкланган.

Мәсәлән, “Гарант” укыту-курс комбинаты директоры техник тикшерү узу турында диагностик карталары һәм мәҗбүри иминләштерү полислары булмаган машиналарда һөнәри белем бирү эшчәнлеген гамәлгә ашырган.

Тикшерү нәтиҗәләре буенча, “Гарант” укыту-курс комбинаты директоры исеменә юл хәрәкәте иминлеге өлкәсендә закон таләпләрен бозу очракларын бетерү турында күрсәтмә чыгарылган.